L'urgenza di un pianu di furmazioni specìficu
L'avìamu annunciata com'è a priurità: un pianu di furmazioni specìficu pà tutti l'insignanti hè una priurità. L'urgenza di un pianu di furmazioni specìficu incù a Cunvinzioni nova s'impunia à parta da 2007. Tandu u STC Educazioni facia pruposti cuncretti rimissi à u Cunsiglieri Tècnicu di u Ministru duranti u Cunsigliu di i Ministri dicintralizatu in Aiacciu. Nisun risposta. U bilanciu hè pèssimu: in dui anni ci hè statu un rinculu tremendi. A risposta di u Rittori hè stata a missa in baddu di una cretinìsimu urganizatu incù una missioni lingua corsa dipartamintali sprupusitata: monda fumu è pocu arrostu! Incumpitenza è pocu ghjudiziu!
Par avali ùn si campa ch'è di bricculami è di pezzi di curdette. Oghji, s'è noi vulemu impedì u fiascu di u sviluppu di l'insignamentu di a lingua corsa, ci voli un pianu di furmazioni forti duranti u tempu di travaddu. A moda ughjinca hè di metta mumenti di furmazioni u marcuri, u sàbbatu, a sera o duranti i vacanzi: tamantu sbagliu! Fin tantu ch'è noi ci cuntintaremu di piddà issa miseria di furmazioni, ùn ci sbuccaremu mai.
Dumandemu pà a Corsica suttana 10 posti di rimpiazzanti pà metta in opara un pianu di furmazioni forti è degnu. È ci hè urgenza!!